中秋佳節 大陸月餅滯銷 【粵講越有趣】

旁白 早安! 咦!你拿著大盒、細盒, 乜買咁多個月餅呀? 係呀!中秋佳節嘛! 嚟排就食月餅兼送禮啦! 而且今年嘅月餅 折價大平買, 買得越多,送得越多呀! 據我所知呀, 今年嘅月餅滯銷呀, 行情唔係幾好喎! 好多家商家呢, 都將月餅嘅價格呀打折出售呀! 係囉!本嚟我都打算做一批 潮式月餅應下折, 瞭解到今年行情好差, 我就打消咗呢個念頭啦! 係呀!往年中秋節, 嗰啲越係天價嘅月餅就賣得越快, 乜今年折價都冇乜人買㗎呢? 係呀!今時唔同往年喎! 依家大陸經濟咁差, 失業率越嚟越高, 個個都捏住個錢包, 勒緊個褲頭帶過日子, 又點捨得花錢買月餅食喎! 啊!我明白啦! 唔怪得陸嬸同隔離二叔公都話, 今年自己喺屋企做月餅過中秋, 全家人都唔出去餐館食團圓飯啦! 根據監測嘅數據顯示呀, 今年中秋節嘅前夕呢, 大陸月餅嘅銷售額同比呢, 最減咗45%呀! 從高端嘅禮品盒到街邊嘅小攤, 普遍滯銷呀! 係呀!我都睇到中秋節前夕呀, 買月餅嘅商店裏面, 各類月餅琳琅滿目, 但係店裏面嘅顧客就寥寥無幾, 水靜何非? 啲月餅整得再靚都係攞嚟擺咋! 係呀!今年商家已經洗出咗渾身解數, 花盡心思唔單止做出各種傳統嘅月餅, 比如商網百年用五仁月餅, 同埋流心奶黃月餅, 開心果月餅,榴槤月餅, 迷你陳皮豆沙月餅,冰皮月餅, 仲做出咗好多款新品種月餅, 五花八門應有盡有! 哦!我睇網上話, 仲有山東嘅豆角月餅, 安徽嘅臭桂魚, 長沙臭豆腐, 山西嘅油潑辣子, 即係嗰啲花椒八角, 薑蔥蒜, 辣椒呀, 洋蔥呀, 總之嗰啲香料疊埋一齊整碎佢做餡嘅月餅, 仲有更離譜嘅就係, 山東臨沂潭城有一間食品廠商, 竟然推出蟋蟀月餅喎! 哦!就係你屋企牆角窿呱呱嘈嘅嗰啲咁嘅樣, 佢呢啲就係人工飼養嘅, 佢話洗乾淨之後, 高溫烘乾磨成粉, 然後再混入嗰啲傳統嘅五仁餡入邊, 仲包括杏仁呀, 核桃呀, 同埋黑芝麻等等製作而成嘅, 真係無奇不有! 有啲商家都試圖以新奇嘅形式, 喺市場分一杯羹呀! 目前大陸政治經濟環境蕭條, 大陸官場同商務送禮幾乎全部銷聲匿跡, 中國培考食品糖製品工業協會最新數據顯示, 曾經風靡一時嘅五百蚊以上嘅高價禮盒, 佔比從2023年嘅7.2%大幅下降到2025年嘅1.8%, 幾乎呢退出咗市場啦! 呢啲禮盒以往係以奢華包裝同高端定位吸引送禮需求, 但依家被視作浪費同負擔, 即使無市場監管,好多商務來往都已經自行咁取消, 高檔禮盒自然就失去市場啦! 你可能同我一樣經常喺度問, 咩產品最值得信賴? 當我知道江峯選擇咗為健康520代言嘅時候, 我就明白呢個唔係一個普通嘅推薦, 而係信念嘅背書。 比如健康520嘅代謝寶, 融合咗12種純天然草本, 支持日常活力代謝同平衡, 難怪越嚟多人關注佢啦! 代謝寶身體感覺更有精神! 請關注健康520網站healthcare520.com 更加嚴重嘅係, 大陸食品安全頻頻出現問題, 令到市民對月餅望而生畏。 有網友就喺網上發表視頻話, 依家啲商家為咗延長月餅嘅保質期, 增加月餅口感, 放咗各類嘅添加劑, 嚴重咁樣危害身體健康。 第二日,佢發現, 食咗跌落地下嘅月餅嘅螞蟻, 全部都死曬。 從今年網友發佈嘅視頻入面可以睇到, 今年嘅月餅螞蟻根本就唔食。 嘩!咁恐怖! 咁同謀財害命有咩唔同呀? 有乜出奇喎! 早前有網民話, 佢上年賣嘅月餅全放喺屋企忘記食用, 依家先至發現, 點知果盒月餅竟然完好並無變質。 仲有一名重慶嘅網民意外發現, 佢無意間保存嘅兩塊月餅, 竟然喺三年裏面都冇出現黴變。 呢啲月餅嘅外包裝上面, 清楚咁表明含有兩種食品防腐劑, 山梨酸甲和脫氫液酸鈉。 大家可想而知, 呢啲月餅裏面有幾多防腐劑。 仲有話, 今年八月, 韓國食品藥品安全部, 發佈咗三度緊急招回嘅命令, 原因係檢驗發現中國月餅中, 含有韓國禁用嘅防腐劑, 脫氫液酸鈉, 被招回嘅月餅, 呢啲月餅全部都係來自中國瀋陽杜香村食品公司, 呢間公司享有中華老字號嘅稱號, 其月餅在中國市場廣受歡迎, 但係呢啲月餅韓國被認定為不合格產品, 必須退回中國或就地銷毀。 咁睇嚟大陸嘅黑心月餅氾濫, 唔怪得大家都唔買月餅食啦。 但仲有例外嘅, 近日社交媒體上流傳咗一張中共高官特工月餅嘅圖片, 就引發咗廣泛嘅關注, 圖片顯示呢一款月餅嘅包裝上面標明品名為 人民大會堂手工月餅, 其保質期為密封40天, 開袋之後需盡快食用, 包裝嘅底部亦都詳細咁列出咗各類口味月餅嘅配料, 包括小麥粉,白砂糖,瓜子仁, 黑芝麻,麥芽糖同植物油等等, 係冇任何食品添加劑同防腐劑嘅成份。 中共嘅特工制度係一種獨特嘅體制, 唔單止係月餅,幾乎所有物品都有特工版本, 中共口口聲聲話全心全意為人民服務, 但係從衣食住行到權力壟斷, 中共體制內嘅各級領導幹部都享受全方位嘅特權, 中共官員嘅核心利益階層根本接觸唔到呢啲有毒嘅食品, 中國嘅有毒食品問題之所以成為無解嘅難題, 就係因為呢啲問題同中共嘅利益階層無關, 正所謂事不關己就高高掛起。 唉,月餅作為傳統嘅美食, 承載住大家對節日嘅美好期許同情感嘅記憶, 而家就變成咗恐怖嘅感覺。 近日,香港政府為迎接中秋與中國見證週年, 舉辦紅色文化旅遊資本領軍的迎國慶華服嘉年華, 喺西九文化區藝術公司嘅海濱東草皮舉辦花燈展, 呢個係香港至今最大嘅單體人物花燈, 紙下仙子飽受爭議,惡評如潮。 係呀,我睇報道話,呢個花燈嘅設計單位, 就係四川省自貢,文投盛世思路匯展有限公司, 而嗰啲花燈嘅燈組,就由四個大型花燈組成, 主燈嘅高度就有12.8米,差唔多13米。 香港各界人士紛紛評論話,呢個人物花燈就好似個紙紮公仔咁, 老土到乜嘢咁,嗰啲設計又毫無香港元素同特色, 更唔符合香港人嘅審美觀。 仲有網民批評話,紙下仙子花燈,將香港自己本身嘅特色嘢拆曬, 然後搬一堆不倫不類嘅嘢,炒埋一碟當做交功課。 扯,十一黃金周大陸遊客鐘意咪OK啦, 香港人嘅民意同感受已經唔再重要㗎啦, 對付香港人,港府只需要國安法就可以搞掂㗎啦。 講起十月一號嘅中共建政日, 有唔少人就把佢當做係祖國嘅生日, 每年呢個時候都會睇到唔少慶祝祖國華誕嘅標語或者大陸文宣嘅口號, 其實十月一號只係中華人民共和國成立嘅日子, 只係新政府成立嘅日子, 同祖國嘅生日九唔搭八嘅,根本就唔同嘅。 係囉,祖國嘅意思係指從祖先一直世代生活, 自己出生嘅地方,中國嘅歷史至少有五千年, 而中共建政嘅中華人民共和國只有七十年。 係,中共文宣總係混淆視聽, 噏民眾黨國不分,歌仔都有得唱啦, 沒有共產黨就沒有新中國,大家都聽得多啦,咪信以為真。 喂,中共一直強調世界上只有一個中國, 既然話1949年前嘅中華民國係舊中國, 咁而家嘅臺灣中華民國又算係咩中國呀? 呢個係國際法上講唔通㗎喎。 但係中共講唔通嘅嘢太多啦, 中共曾經承諾香港五十年不變, 允許香港實行普選,結果全部都無兌現到, 香港人諗唔通,中共咪指令港府實行國安法, 你香港人諗唔通都要諗通㗎啦。 唉,自從1949年10月1號,中共從此站唔起來, 大陸嘅民眾從此跪咗落去, 唔怪得依家好多人將10月1號叫做國喪日, 對於中共嚟講係喜慶嘅日子, 對於大陸民眾嚟講就係烏乎哀哉。 好啦,我要去工地返工啦,各位街坊得閒再傾啦, 拜拜!