Lecture 37: Chotto matte kudasai

Konnichiwa minasan, namaskar, aaj ki hamari japani bhaashaik parichay ki iss class me aap sabka hardik swagat aur abhinandan hai aur umeet karte hai ki aapko class se aaj kuch naya seekhne ko milega, aap apne saath le jayenge. to dekhi abhi tak hum log apni class me te form kar chuke hain, te ke saath humne kuch aur add kiya hai usme mila karke aur continuous form banaya hai aur uska humne vaakiyon me prayog kiya hai, conversation kiya hai. to aaj usi te form ko hum log aage le chalte hain aur usme kuch aur naya jod karke aur dekhte hain ki wo kya banta hai aur uska bhaasha mein kaise prayog kiya jaata hai. isi ke saath aap log bahut zyada kotowaza seekhne chahate hain, to aaj ek aapko naya kotowaza batayenge, kuch naye kanji batayenge aur abhi vyaktiyan batayenge. to aayiye dekhte hain ki aaj humare paas yahaan par kya hai, verb ke saath te aur kudasai. to dekhiye kudasai aap pehle bhi kar chuke hain, aapne apne bahut shuru ke lessons me jab aap koi samaan kharitte hain to aap kudasai keh karke usko kharitte hain ki ye mujhe dedije. to kudasai ka arth kya hai, kudasai ka arth hai kripeya, please angrezi mein. to aaj hum log verb ke saath wo lagate hain aur dekhte hain ki iska kya arth banta hai. sabse pehle aapke paas audio hai, audio suniye aur dekhiye aapko kya samajh mein aaya. Irasshaimase. Sumimasen. Kutsu uriba wa doko desu ka? Nikai ni arimasu. Nikai de. Sumimasen. Naga kutsu wo misete kudasai. Chotto matte kudasai. Shirabete mimasu. Ni-san pun ato. Okyakusan, kore wa itagai desu ka? Ii kedo, chotto chiisai desu. Mou chotto ooki no wa arimasen ka? Mousyoki arimasen. Ima kore shika arimasen. Mata irashite kudasai. To dekhiye abhi aapne ye audio suna. Ye kahan ka audio hai? Bilkul sahi, ye mise ka audio hai. Yani ki, ek shop mein, ek dukaan mein dukaandar aur jo saman kharidne gaye khariddar unke beech ka kaiwa hai. Mise no hito to okyakusan no kaiwa desu. Irasshaimase. Sumimasen. Kutsu uriba wa doko desu ka? Nikai ni arimasu. To ye kahan hai? Ye mise ke jo vyakti hain aur jo okyakusan hain yani ki jo grahak hain unke beech, ye reception pe ho raha hai. Jab aap mall ke andar jaye, to saamne reception hota hai. Yadi aapko pooshna hai ki, jute kaha mil rahe hain, ya bachon ke kapde kaha hain, ya ghariyan kaha hain, kis taraf bik rahi hain. To aap kisi se poochenge, janana chahenge, to wo reception kahlata hai aur waha pe jaakar ke aap jankari hasil kar sakte hain. Ye reception ka kaiwa hai aur wo batate hain ki, nikai mein doosre floor par jute bik rahe hain. Yaha par uriba hai. Uriba yaani ki bechne ki jag hai. Sumimasen, dekhiye jaisa ki hum log kar rahe hain, unhone unka attention apni taraf kiya. Yani ki, maaf ki jayega, mujhe ye bataiye. Sumimasen, excuse me, kutsu uriba wa doko desu ka? To, nikai ni arimasu. Ab, okyakusan jo hai, wo nikai pohache, nikai de, waha par. To, sumimasen, nagagutsu arimasu ka? Nagagutsu mane, nagai kutsu, yani ki, boots arimasu ka? Chotto matte kudasai. Ye aapne kiya hai expression, chotto matte kudasai. Kuch der rukiye, ek minute rukiye, main abhi dekh karke aata hun. Shirabete mimas, main dhoond karke dekhta hun ki, hai ki nahi hai. Ye ek expression hai jo hum log baadme bhi karenge. Fir, do teen minute ke baad wo wapas aate hain, niisampun aato. Do ya teen minute ke baad wo wapas aate hain aur kya kehte hain? Okyakusan, kore wa ikaga desu ka? Aapne do desu ka, kore wa do desu ka kiya hai pehle aur ikaga bhi kiya hai. Ikaga, iske liye polite hai. Ikaga. To, jab bhi aap formal situation mein hai ya anjaan vyakti se baad kar rahe hain, to aap hamesha ikaga kahenge, do nahi kahenge. Kore wa ikaga desu ka? Ye wala juta kaisa rahega? Ik he do, chotto cheesai desu. Theek hai, lekin, lekin, chotto cheesai desu. Chotto mane, bahut thoda sa cheesai desu. Chota hai. Mo chotto oki no wa arimasen ka? Mo chotto oki, isko philhal ham log ek expression ki tarike se karenge aur mo jo hai, wo ham log baad ki apni class mein karenge. To, mo chotto oki, thoda sa aur bada aapke paas kya nahi hoga? To, mo chotto oki, bada no wa arimasen ka? No yaha pe kya hai? Ye bataiye, kis ke liye prayog mein aara hai? No aara hai, jute ke liye. Oki kutsu wa arimasen ka? Kya aapke paas isse aur thoda bada juta nahi hai kya? To, dukaandar kya kehte hai? Mise no hito wa mo shiva ke arimasen. Matlab, mujhe maaf kar dijega mere paas abhi yaha nahi hai. Sumimasen sorry ki jagah ho sakta hai. Arimasen ki jagah bhi ye mo shiva ke arimasen lagaya jata hai aur jab aap vastav mein bahut sorry hote hain, bahut aapko kharab lag raha hai ki main unko juta nahi de pa raha hu aur okiak saan hai aapke yaani ki aapke grahak hai ye, aap unko samaan bechna chahate hain. To, mo shiva ke arimasen. Mujhe maaf kar dijega mere paas abhi yaha nahi hai. Ima kore shika arimasen. Ima abhi kore yaani ki ye juta shika arimasen. Keval yahi hai. To ab aapko detail mein batate hain iske baare mein. Ye aapko baad mein kar aayenge. Ye bhi aapko baad mein kar aayenge. Aaj aapko te form kar aayenge is kaiva ka aur kuch aur thodi cheezein batayenge. To dekhiye, jab aap kedo ka prayog karte hain to kedo bilkul kara aur ga ke samaan hi uska arth hai. Lekin, farak itna hai ki kara aur ga zyada polite mana jata hai yaani ki zyada formal situation mein use kiya jata hai aur kedo jo hai wo aapas mein informal tariqe se prayog kiya jata hai. Aisa hai lekin artha aata hai. Lekin ka sab artha aata hai. Isme bhi, isme bhi aur isme bhi. Ek aur farak dekhiye hai isme. Ye aisa koi bahut bada rule nahi hai. Har baar aisa hi hoga. Is prakaar se bhi nahi hai. Lekin, jab ga ka prayog kiya jata hai to ye jo mas form hai verb ka wo aur this. Iske baad kiya jata hai. Jab ki kedo mein aisa kuch nahi rule hai aur zyada tar aap dekhenge kyunki informal hai. Aapas mein baat kari jaa rahi hai. Kisi bade se ya formal situation mein nahi bola jaa raha hai. To plain form jo verb ka hai, wo lagaya jata hai. Ek aur cheez hai. Kedo ka jo bahut formal word hai, jisme aap ga ki jagah kedo bhi laga sakte hai. To wo hai kere do ya kere domo. To ye dhyan rakhiyega. Kedo ke liye bahut freely aap use kar sakte hai apne friends ke saath. Lekin, kisi bade ke saath prayog karne mein dhyan rakhiyega. Ab dekhiye ye script mein hai aapke paas aur sabhi kuch isme bahut clearly diya hua hai. Nikai hai dekhiye. Nisampunato kaise likha hua hai? Ye dekh liye. Mo shivake arimasen. To kuch hira gana mein hai, kuch kanji mein hai. Ye dekh karke iska abhiyas kariye. Ab dekhiye humne jaisa aapko bataya, te form hum kar rahe hain verb ka. To aapko pata hai ki group 1, group 2 aur group 3 mein kaise te form banate hain. Ek baar aapko bahut jaldi se dohra dete hain aapke saath ye. Dekhiye group 3, kyunki isme keval do hi shabd hai. To sabse pehle group 3 lete hain. Ye koi pattern nahi follow karte hain. Aapko roman mein likke dikhate hain ki aur te aur shi aur te. Shite. Suru aur kuru verb hai. Aap group 2 hai. Dekhiye group 2 mein verb plus te lagaya jaata hai. Yani ki dictionary form jo verb ka hai usme te lagaya jaata hai. Aap kaise lagta hai? Jaise aap dekhiye miru, miru to ye hata dete hain aur mi te bana dete hain usko. To te form verb ka ban jaata hai. Miru verb hai yaha pe aur usme te jod diya to te form ban gaya verb ka. Ab dekhiye group 1 hai. Group 1 mein dekhiye bahut saare exceptions bhi hain aapko pata hai. To isiliye verb mein kya kya laga sakte hain hum? De lagate hain, te lagate hain, i te lagate hain, i de lagate hain aur jo sabse zyada lagta hai group 1 mein jo rule hai group 1 ka. Jaise group 2 ka rule hai te lagana. Usi prakaar se group 1 mein rule hai choti sound aur te lagana. Yani ki agar angrezi mein likhenge to double t aur e lagana aur isme likhenge to tsu aur te lagana. To verb plus tte angrezi mein ya japani mein tsu aur te lagana. To itne saare isliye lagte hai kyunki yaha exceptions bahut hain. To ab dekhiye kaunse exceptions hain? Exceptions hain ye. Kaise exceptions hain? Jo bhi verbs apne base form mein dictionary form mein ku, gu, bu, aapko bata bhi chuke hum, su, mu, no, su aur double vowel ke saath aata hai. Yani ki ab yaha par example a jayega a aur u ka, nahi to u aur u ka bhi aasakta hai. Ab ye kaunse verbs hain? Jo is prakaar se end karte hain aur unki wajah se itne saare te forms ban jate hain. To wo kaunse verbs hain? Dekhiye wo verbs hain kaku ku se end karta hai. Isogu, tobu, matsu, nomu, shinu, hanasu, au. Bahut saare verbs hain lekin ye group hai. Kaku mane likhna, isogu mane jaldi jaldi koi kaam karna, quickly, tobu mane urna, matsu, ruke rehna, nomu, pina, shinu, marna, hanasu, baat karna, au, milna. Dekhiye ye bhi nde hai. Mu se bhi nde banta hai, bu se bhi nde banta hai. Ye do hai yaha pe. Shinu, shinu me bhi nde aata hai dekhiye. To ye kuch exceptions hain. Iske andar bhi kaun kaunse similar hain aap ye dekh sakte hain. Hanasu, hana, shite. Dekhiye shite bhi aagaya yaha pe. Aur au, aate, kyuki ye do vowels hain, a aur u, to usme choti sound aur te lagaya jata hai, yaani ki tte lagaya jata hai. To in endings se jo bhi verbs honge aapke dictionary form me, wo hamesha in sub-ending me hi likhe jayenge te form me. Iska dhyan rakhiye. Ab dekhiye aur verbs aapke paas hain. Kasu, yaani ki lend karna, nugu, kapde utarna, yobu, bulana, tatsu, khade hona. Tsu ending se hai dekhiye. Komu, crowded hona. Logon ka jo number hai, sankhya hai, wo kahin pe badh jana aur bahot bheed ho jana waha pe. Crowded ho jana, wo komu kehlata hai. To ikdam se agar sale hoti hai kahin department store me, to waha pe ikdam bahot bheed aa jati hai. To komimasu ho jata hai. Yaani ki konde imasu, jo aapne kiya hai. Ki abhi bahot bheed hai. Konde imasu. Aapne masu form kiya hua hai, to konde imasu. Sawaru, yaani ki kisi cheez ko chhuna. Kesu, mita dena. Warau, wa ra u. To ab aap dekhenge ki isme do vowels hai. To waraimasu, warateimasu, yaani ki has rahe hai. Aur fir warate kuda aur suu, yaani ki cigarette peena. Yaha par bhi do vowels hai, to isi prakaar se wo banega. Tte, dekhe. To isi prakaar se aap yaad kariye. Aur bhi bahot saare verbs hai. Unko dhoondiye dictionary me se aur unka form banayiye. Zor se usko, uska abhiyas kariye. Ab dekhiye, aapke liye kuch abhiyas hai yaha pe te kudasai ka. Verb in te form plus kudasai. To aap hamare baad bol sakte hai. Suwatte kudasai. Gambatte kudasai. Matte kudasai. Tatte kudasai. Itte kudasai. Atte kudasai. Katte kudasai. Hashitte kudasai. Aruite kudasai. Asonde kudasai. Iske agar aapko arth nahi aate hai to aap isko dictionary me dekhiye aur arth yaad kariye. Aur hai aapke liye kuch kudasai me to dekhiye oyoi de kudasai. Tabete kudasai. Mite kudasai. Nete kudasai. Shirabete kudasai. Kangaete kudasai. Yani ki sochiye. Oshiete kudasai. Bataiye. Padhaiye. Kaite kudasai. Hanashte kudasai. Varatte kudasai. Ab dekhiye jaisa ki aapko humne bataya hai verb te kudasai kisliye prayog me aata hai? Is samay prayog me aata hai jab aap kisi se kuch bhi anurodh karte hain koi kare karne ke liye. Ek to ye uska upyog hai ki aap kisi se koi kaam karwana chahate hain to aap verb lagate hain, te form lagate hain aur phir kudasai lagate hain. To aap unse kripya ye kaam kar dijiye aesa anurodh karte hain. Jab aap kisi se koi kare karne ke liye anurodh karte hain to aapko kya lagana chahiye usse pehle? Agar aap polite tarike se kisi se kuch kare karne ke liye keh rahe hain to sabse pehle sumimasen lagta hai. Aur aap phir anurodh karte hain ki ye kaam kripya mere liye kar dijiye. To jaise yaha pe likha hai kono yoshini namae wo kaite kudasai. Yaha per aap kripya namae apna naam likh dijiye. Sumimasen kono yoshini namae wo kaite kudasai. Shuru ke classes me aapne kudasai kiya hai samaan kharidne ke liye. Yaha pe dekhiye noun hai aur yaha verb hai. To isme farak kya hai? Noun wo kudasai. Yani ki jab aap koi samaan kharidte hain tab aap request karte hain, tab aap unse anurodh karte hain ki kripya ye samaan mujhe de dijiye. Ek to iska arth ye hai ki main kharid raha hoon. Dusra ye bhi hai ki noun wo kudasai. Yani ki mujhe ye samaan de dijiye. Utha karke de dijiye. Uske liye aapne ek aur shabd bhi kiya hai. Onegai shimasu. Ye bhi aapne kiya hai to kudasai jo hai wo apas me barabri me, choton se prayog me aata hai. Onegai shimasu, formulaar situation me aur badon se baat karte same prayog me aata hai. To ye to zyadatar aap samaan kharidte hain. Aur noun ke saath prayog kiya jaa raha hai. Particle o hai beech mein. Yaha par verb hai te form me aur kudasai hai. To farak ye hai ki yaha par aap verb prayog karke request kar rahe hain ki jo bhi verb hai wo kaare aap mere liye kripya kar dijiye. Jaise tabete kudasai. Yani ki kripya khayiye. Mite kudasai. Kripya dekhiye. Itte kudasai. Kripya jayiye. Ya kaite kudasai. Kripya aap likhiye. To ye farak hai noun o kudasai aur verb te kudasai. Ye particle hai, ye particle nahi hai. Ye dhyaan rakhiyega. Iska ye farak hai. Ek jagah aap samaan kharidte hain aur ek jagah aap kaare karne ke liye request karte hain. Ab aapke liye aaj abhyas bahut hai. Jisse ki aapko yaad ho jaye. To is tasveer me dekhiye kya ho raha hai. Jo yaha pe okyaksaan hai. Wo waitress se pooch rahi hai ki ye kya hai. To kikoo. Yani ki poochna. To kikoo jo hai, wo sunne ke liye bhi prayog me aata hai. Shabd aur kikoo jo hai, wo poochne ke liye bhi aata hai. To nani osh te imas ka? Ye kya kar rahi hai? Te imas ka prayog hai. To activity kya chal rahi hai? Menu o kite imas. Menu ke baare mein pooch rahi hai. Fir ye kya kar rahi hai? Chai pee rahi hai. To nani osh te imas ka? Kocha o nonde imas. Aap yaha pe ye bhi kah sakte hai ki kocha o nonde kudasai. Agar yaha pe koi aur bhi hota sajjan to wo kah sakta tha kocha o nonde kudasai. To aap dekhiye aapka revision bhi ho gaya te imas ke saath aur kaku. To kokoni kaite kudasai. Yaha par is jagah par likh dijiye. Kaite kudasai. Yaha pe ye kya kar rahi hai? Ek bahot bada question mark hai. Kuch pooshna chah rahi hai apne teacher se. To kiku. Ku se dekhiye ending hai. Ye bhi ku se ending hai aur isi liye ite hai yaha pe. To kiku sumimasen. Oshiete kudasai. Please mujhe bata dijiye. Oshiete kudasai. Ab ye tasveer kya bata rahi hai? Ye tasveer bata rahi hai ki ye kuch paise de rahi hai. To kasu. Okane okashte kudasai. Kripya mujhe okane paise udhar de dijiye. Kasu yaani ki yaha pe paise ke liye hai. Ye ek aur tasveer hai. Classroom lag raha hai. To kya hai? Kaku. To notoni kaite kudasai. Note me apni likh dijiye. Aur ye ek tasveer hai dekhiye. Kya ho raha hai yaha pe? Ye uthe hai. Savere ka samay hai. To okiru yaani ki uthna. Gojini okite kudasai. Paanch baje uth jayiye ga. Ya kino gojini okimashita. Main kal paanch baje utha tha. Aur abhyaas hai aapke liye? Dekhi ab aapko difference bhi pata chalega. Ikku. Yu binkyu ku e itte kudasai. Itte kudasai. Kripya post office tak chale jayiye. Aur ye yaha kya kar rahe hai? Dekhiye. Ye yaha akhbar padh rahe hai. To verb hai yomu. Agar ye padh rahe hai aur koi kaare chal raha hai. To hame kya kehna chahiye yaha pe? Aap log bataiye hame. Hame yonde imas kehna chahiye ya yonde kudasai kehna chahiye. Yaha pe kaare ho raha hai ya aap request kar rahe hai. Aap anurodh kar rahe hai koi kaare karne ke liye. Bataiye. Yaha par shimbun o yonde imas. Yaha par padh rahe hai. Activity chal rahi hai. Isliye yonde imas. To te kudasai aur imas mein yehi farag hai. Ki aap ek jege request karte hai koi kaare karne ke liye. Aur yaha par kaare jo hai wo ho raha hai. Ab dekhiye hum log abhivyakti karte hai, expression karte hai. To ye aapko kya samajh mein aara hai? Ye jo tanaka saan hai yaha pe ye mariko saan ko ek present de rahe hai. Ek bhet de rahe hai. To kya kahenge? Tsumara nai monodesu ga meshiya gatte kudasai. Aapne kiya hai. Tsumara nai monodesu ga dozo. Ki aap kripya ye samaan le liye. Ab yaha par hai ki tsumara nai monodesu ga meshiya gatte kudasai. Yani ki aap ye please kha liye. Meshiya gari mas means kha liye. Tabe mas ka polite form hai. Aur kyunki meshiya gari mas hai isliye hum log anuman laga sakte hai ki andar iske ya to cake hai ya pastry hai. Koi khaane ki achi cheese hai. Tsumara nai mono. Bahot choti si cheese hai. Aap isko zarur chakhiye ga. Ye iska art hai. To ek bhao hai ye. Jab aap koi bhi cheese dete hain kisi ko to ye dhyaan rakhna bahot zaruri hai ki aap apni bhet ko bahot zyada bada bana karke nahi deeje. Chahe ho bahot badi cheese. Bahot koi badi cheese aap de rahe hain. Lekin phir bhi aap polite hone ke liye, samaan ke liye, humility ke liye aap kahenge ki tsumara nai monodesu. Yani ki bahot tuch bhet hai. Iska aap istimaal kariye, prayog kariye ya agar khaane ki cheese hai to khaaye. To ye dhyaan rakhiye ga ye bahot ek accha expression hai aur hamesha japani jab bhi koi cheese dete hain to hamesha ye istimaal karte hain iska. Inka jawab hoga arigatou gozaimasu. Aur isme dekhiye kanji thi. To ye mono ki kanji hai. Mono. Yani ki thing, vastu, cheese. To iski kanji kaise banti hai? Dekhiye ek, do, teen aur chaar. Ye do bhaag me hai paanch, chee, saath aur aath. To aath strokes ka ye character hai. Ek, do, teen, chaar, paanch, chee, saath aur aath. Aath stroke ka character hai. Isko dhyaan rakhiye ga. Mono ke liye use hota hai ye. Aapke expression me mono tha. Aur doosri kanji hai. Meshia garu. Yani ki polite hai. Tabe maas ke liye. To iski kanji hai. Dekhiye bahot simple hai. Do bhaag me hai. Ek ye hai aur ek kuchi hai. Ye kuchi se aati hai. Meshi. Aur agaru ye aapne kiya hua hai. Ye ue ki kanji hai. Yani ki upar, up ki kanji hai ye. Aur kyunki jab aap kisi ko koi saman dete hai, to jhuk karke saman aage badha ke dete hai. Isliye agaru ki kanji hai. To kanji jab bhi aap dekhenge banti hai, to concept hota hai. Ek image hoti hai dimaag me. Aur usse ye characters banaye jate hain. Laino me draw kiya jata hai wo character. Iska waaki bhi hai yahaan par. Rezoko no naka ni taksan mono ga arimasu kara gojiu ni meshiagatte kudasai. Rezoko aapne kiya hai. Yani ki fridge no naka. Iske andar ni. To jaghe ke liye hai. Ni hai jo aapne kiya hai. Ni taksan mono ga arimasu. To yaha pe arimasu hai. Aru hona chahiye. Arimasu aapke liye jo hai ye samajhne ke liye yahaan masu form lagaya gaya hai. Kyunki kara hai, beech mein hai. Isliye plain form of the verb aayega. To rezoko no naka ni taksan mono ga aru kara arimasu. Kara kyunki gojiu ni meshiagatte kudasai. Jiu is freely. Yani ki bina jhijak aap kuch bhi waha se please kha lijiyega. To ye ghar ka jo vyakti hai wo bahar apne guest ko bol raha hai ki rezoko no naka ni taksan mono ga aru kara gojiu ni meshiagatte kudasai. Ab aapne namae ke aage o kiya hai. O naamae hai ki nahi hai? Aapne o jo hai wo sammaan ke liye use kiya hai. To ye o jo hai ye ek sammaan bodhak hai. Usi prakaar se go jo hai wo bhi sammaan bodhak hai. Aapne go kiya hai. Go jyusho. Jab aap address poochte hain tab aap go lagate hain. Lekin ye dhyan rakhiyega apne naam ke aage, apne address ke aage o aur go ka prayog nahi kiya jayega. To o aur go sammaan bodhak shabd hai. Kini shabdon ke aage ye lagaye jayega? Aap dekhiye ye kotowaza hai ek yaha pe. Ma keru ga kachi. To ma keru ga kachi kya hai? Ye to hume samajh mein aajata hai ki haar me bhi jeet hai. Ma keru matlab haar. Aur kachi matlab jeet. To hindi mein aap agar isko translate karein ya samjhein to iska arth hai haar me bhi kabhi kabhi jeet hoti hai. Dekhiye isse arth bahut nikalte hai aur bahut tariqe se isko interpret bhi kiya jaa sakta hai. Lekin jo iska arth hai wo ye hai ki har samay main hi jeetunga, main hi first aunga, main hi sabse aage rahunga. To ye jo ek mann mein competition rehta hai, itna competition har choti choti cheez ke liye karne ke liye koi itni abashakta nahi hai. Aapki jo apni strength hai to usko aap bachake rakhiye aur kisi bahut bade kaam ke liye, kisi bahut bade goal ke liye uska prayog kariye. Jo mera bada goal hai, jo mera bada laksh hai, usko main prapt karun na ki main choti choti ladaiyon ko jeet karke aur sochun ki maine bahut bada kuch hasil kar liya hai. To hamisha ye dhyan rakhna hai ki apne laksh ke prati aap nishtha rakhiye, aap lagan rakhiye, aap usko dhyan mein rakhte hue aap aage badhiye, aap apne aap ko better insaan banayiye. Jaise aap dekhiye ki aap kahin jaa rahe hain ya koi kaare kar rahe hain, ek physical example le liye je ki saamne agar deewaar hai, to deewaar se to aap takra nahi sakte hain, takra karke apna sar phodenge aur sochenge ki main isko tod karke hi aage jaunga, tabhi meri jeet hogi, tabhi main sochunga ki maine sab hasil kar liya hai, to aapi ka sar phutega. To aapko apni yukti laganiye, apna dimaag lagana hai, apna samajh se ye soch karke karna hai ki main is deewaar ko todne ke bajai isko ya to koodne ki, phandne ki ka prayas karun, ya main is deewaar ke kinare se nikal ke chala jaun, to isko todne mein bahut bada koi aap hasil nahi karenge. To uss samay agar aap hat jayenge waha se aur doosra koi raasta dhoondne ka prayas karenge, to philhal aapki uss samay haar hogi deewaar se, ki aap deewaar se haar gaye, aapko kharab lagega. Lekin finally jo aapka goal hai, jo aap hasil karna chahate hain ki deewaar ko paar karke aap aage jana chahate hain, wo aap zarur hasil kar lenge. To isli aap hamesha dhyaan rakhiye ki, jo main goal hai aapka jeevan ka, usse mat hatiye, jo aap kaare kar rahe hain, usse mat hatiye aur alag alag tariqe se prayas kariye ki uss goal tak, uss laksh tak hum kaise pahunchenge. Apni soch ko, apne tariqe ko badalne ki awasshakta hai, jisse ki aap finally ant mein apne goal par, apne laksh par pahunch sake aur wo hi aapki jeet hogi. To yeh dhyaan rakhiye ki yeh jo kotowaza hai, yeh jo makeru ga kachi, yeh bahut aapko jo hai sochne par bhi majboor karta hai, bahut himmat bhi deta hai ki hume unnecessary cheezon ko kinare hatate hue finally apne goal ko hasil karna hai, apne laksh ko hasil karna hai. Yeh dhyaan rakhiye ga aap sab log. To aaj isi kotowaza ke saath hum log apna yeh jo lesson hai, wo khatam karte hain yaha pe aur agli baar kuch naya karenge, aur kuch naye kotowaza bhi karenge aur aur zyada japani bhi seekhenge. To itna hi aaj ke liye, namaskar.