ភាគទី៥៖ ព្យុះកំពុងមក

នៅប្រទេសចិន ហ្វាលូនតាហ្វា (ហ្វាលូនគង់) ដំបូងឡើយត្រូវបានរដ្ឋាភិបាលទទួលស្គាល់ និងគាំទ្រ ដោយចាត់ថ្នាក់ជាទម្រង់ថ្មីនៃវិទ្យាសាស្ត្រមនុស្ស។ ប៉ុន្តែ ប្រជាប្រិយភាពនិងការបង្រៀនគង់ដោយមិនគិតថ្លៃរបស់វា ធ្វើឱ្យគ្រូឈីគង់ដែលចំណង់ប្រាក់ចំណេញទាំងនោះមិនពេញចិត្ត ហើយចាប់ផ្តើមលាបពណ៌ហ្វាលូនគង់។

លើសពីនេះទៀត ការរីកសាយយ៉ាងឆាប់រហ័សរបស់ហ្វាលូនគង់ ក៏បានធ្វើឱ្យមេដឹកនាំបក្សកុម្មុយនីស្តចិន CCP មានការព្រួយបារម្ភ។ ហេតុនេះ ពួកគេបានចាប់ផ្តើមស៊ើបអង្កេតដោយបំណងអវិជ្ជមាន យាយី ឃ្លាំមើល និងលួចស្តាប់។ ហើយក្រោយមកក៏បានហាមឃាត់ហ្វាលូនគង់ទាំងស្រុង។