【看生活】點解超市買嘅蛋唔洗得？2分鐘教你正確儲存方法！（粵語 / 中文字幕）

買了雞蛋回來,見到蛋殼有污糟嘢,好多人第一時間會用水沖乾淨,先至放落雪櫃。 但係從食品安全嘅角度嚟睇,其實市面上買到嘅盒裝蛋係唔需要洗架。 美國農業部指出,洗雞蛋唔單止無必要,某啲情況下仲會增加污染風險, 因為洗蛋嘅水可能會經由蛋殼上面嘅微細窿窿滲入雞蛋內部。 就算蛋殼望落完整又乾淨,雞蛋依然有機會帶著致病菌,例如沙門氏菌。 感染之後通常會出現輻射、發燒、肚痛同埋嘔吐,對於老人家、細路、孕婦、或者免疫力比較弱嘅人,風險就更加高。 點解雞蛋唔洗得?因為蛋殼並唔係完全密封嘅,表面佈滿咗微細嘅窿窿。 美國農業部解釋,無雞生蛋之後,蛋殼出面原本有一層保護膜, 而商業用雞蛋喺加工程序入面嘅清洗同消毒,係喺受嚴格控制嘅環境下完成,目的是減低污染物入到蛋入面嘅機會。 相比之下,喺屋企直接用自來水沖洗,好難做到咁嚴格。 現有嘅研究亦都支持呢個講法,洗蛋會整傷蛋殼表面嘅角質層,反而令到沙門氏菌更加容易穿透蛋殼。 所以,喺屋企洗雞蛋,其實係增加咗污染風險。 如果雞蛋因為處理或者儲存得唔好,增加咗細菌污染嘅機會,好容易會搞到腸胃反覆感染。 買雞蛋盡量揀蛋殼完整,無裂痕,而且係喺冷藏環境下賣嘅產品。 打開蛋盒之後,先睇嚇有冇邊隻爛咗或者有明顯污跡。 買返屋企之後,最好連埋原本個包裝直接放落雪櫃冷藏,同埋要盡快食完。 接觸完新雞蛋之後,要即刻洗手。 洗乾淨用過嘅器具同枱面,雞蛋一定要煮到蛋白同蛋黃都凝固曬先好食。 如果係煮含雞蛋嘅菜式,內部溫度應要達到華氏160度。