九成父母也不知道! 用這三個方法,教出成功的孩子 | 小朋友 鬧情緒| 每當你的孩子發脾氣時你會如何處理| 兒童情緒發展| 教育孩子的好方法| 正面管教

59 次觀看·2024年10月29日
九成父母也不知道! 用這三個方法,教出成功的孩子 | 小朋友 鬧情緒| 每當你的孩子發脾氣時你會如何處理| 兒童情緒發展| 教育孩子的好方法| 正面管教
你也想要教出成功的孩子?今天我 兒童心理學博士Rosa,會跟你分享3個方法,而它們是超過9成家長也不知道的。當我們使用了這3個方法後,可以幫我們教出成功的孩子。快來聽聽看吧!
第一點,想要教出成功的孩子,我們必須要在孩子小時候教會他自己管理自己,以及提升孩子的自制能力。所謂的自制能力是指孩子必須要留意眼前要做好哪件事,然後為了做好這件事,我們必須要先放下其他不相干的事情。而其實很多研究已經發現,這種自制能力在21世紀,在孩子長大的過程中是越來越重要的。我們不用把「自制能力」想得太複雜,有些遊戲譬如是「123紅綠燈」,這些遊戲已經可以從小教導孩子自制能力,還有一個教導孩子自制能力的方法是使用這種「蕃茄計時法」。我們可以跟孩子一起制定在某段時間內,譬如說在25分鐘之內做好眼前這件事,然後就可以休息5分鐘。這種25分鐘蕃茄計時法的方式其實是給成年人使用的,如果你的孩子年紀偏小,可能是幼兒生、初小學生,我們可以從幾分鐘開始。這樣的好處是,如果有些事情孩子很不願意做,如果他看著目標,心想「我只需要做5分鐘」,例如執拾房間,只需要花5分鐘,這樣就較易讓孩子開始執行。讓孩子習慣只需要開始做5分鐘,計時5分鐘過去後,就可以休息和玩樂了。這其實也是好的,讓孩子從小慢慢習慣儘管有些事情未必真的想要做,而自己責任上也是要做的話,使用這個蕃茄計時法,讓孩子習慣先開始執行,在短時間內先集中做這件事。
🚨好消息來喇! 🚨 由宜家起,訂閱《HappyYou一整年快樂計劃》,讓小朋友全面Level Up,足不出戶都可以學習到情緒管理技巧,同時改善中英雙語能力!我們的故事主角性格樣貌各異,你的小朋友或者你都可能會從中找到自己,從而更認識自己和孩子的需要。無論閱後感如何,我們都鼓勵你和孩子坦誠分享,每個人的情緒都值得受到肯定。
立即訂閱👇👇
https://happyyoufamily.com/
點解要揀HappyYou:
1️⃣ 故事結局會根據同小朋友嘅選擇而有所改變,吸引小朋友睇落去,增強學習效益!
2️⃣ 所有內容均由Dr Rosa同Dr Farhana親自監督,又有英國倫敦大學支持,內容全部有科學根據🧠。
3️⃣ 故事由英國專業教師以標準英式發音加上郭博士以地道嘅廣東話朗讀,提升中英文聆聽🎧能力。
4️⃣ 故事中英對照,由中大專業翻譯員翻譯,程度較深嘅單字都備有中英解釋,大大提升小朋友雙語詞彙量🗣。
5️⃣ 家長可以向郭博士或Dr Farhana 提問有關孩子發展、學習嘅問題,獲得專業且具科學根據嘅意見。
適合對象:3-12歲小童
你都想教出成功嘅小朋友?
今日我兒童心理學博士Rosa
會同你分享三個方法
而呢三個方法係超過九成嘅家長都唔知道
當我哋用咗呢三個方法之後
係可以幫我哋教出成功嘅小朋友
快啲嚟聽下啦
第一點
我哋如果想教出成功嘅小朋友
我哋必須要喺小朋友細細個嘅時候
要教識小朋友自己管理自己
同埋提升小朋友自製能力
所謂自製能力
就係小朋友必須要留意
自己眼前要做好邊一件事
然後為咗做好呢件事
我哋必須要去暫時
唔好理會其他唔相關嘅事情先
而其實好多研究已經發現
呢一種自製能力
其實喺21世紀
小朋友慢慢長大
係越嚟越重要
咁其實我哋又唔使諗到自製能力咁複雜
譬如有啲遊戲
譬如好似話
一二三紅綠燈
過馬路要小心
呢一啲嘅遊戲
其實已經可以由小朋友細細個嘅時候
就已經教佢自製能力
另外有一個好嘅方法去教小朋友
自製能力
就係用呢一種嘅蕃茄計時法
其實即係話
我哋可以同小朋友一齊
制定喺某一段時間內
譬如喺25分鐘之內
我哋就做好眼前呢一件事
跟住呢
我哋就可以休息五分鐘
呢一種嘅25分鐘嘅蕃茄計時法
呢一個方式呢
其實係俾大人嘅
譬如如果你嘅小朋友係偏細個嘅
講緊係幼兒生或者係初小嘅學生
我哋咪可以由幾分鐘開始先
咁個好處就係
譬如呢
如果有啲嘢係小朋友好唔想做嘅
咁如果佢望住個目標
我淨係要做五分鐘嘅啫
譬如好似執房咁樣
淨係要做五分鐘
咁呢就冇咁難開個頭
讓小朋友習慣咗
我淨係要開始咗做五分鐘啫
跟住就計時
好啦五分鐘做完啦
咁就停一停啦
咁我哋就可以休息啦去玩啦
咁其實都係好嘅
讓小朋友從小呢就慢慢習慣
就算有啲嘢我未必真係好想做
而我責任上我係需要做嘅話呢
用呢一種蕃茄計時法
讓孩子係習慣咗
我哋開始咗先
好短時間內呢
慢慢集中去做好呢一件事
第二點
家長如果我哋想教出成功嘅小朋友
我哋要注意嘅就係
唔好過份追求完美主義
所謂嘅完美主義就係
譬如如果小朋友寫唔好個字
我哋就要佢拆咗佢呀
或者係有個撇撇得唔好
有個辣辣得唔好呢
我哋要圈住佢呀
咁呢啲呢其實都係一啲徵狀呢
就係我哋過份完美主義
點解咁緊要呢
就係呢其實好多嘅兒童心理學嘅研究已經顯示
當小朋友身邊嘅大人
包括係老師包括係家長
係過份追求完美主義嘅話呢
其實係會令到小朋友嘅自信心受挫
同時亦都會增加咗小朋友患上焦慮症嘅風險
咁我都好相信呢樣嘢係你同我都唔想
咁如果我哋唔係追求完美主義
我哋係應該追求啲乜嘢呢
就係追求進步啦
喺英文入面呢我哋會講嘅就係
我哋追求嘅係progress
而唔係perfection
係啦大家都係p字開頭
但我哋追求嘅係嗰種進步
progress唔係完美主義perfection
乜嘢叫做我哋追求嘅係進步呢
就係譬如話
舉個例子譬如小朋友可能尋日
佢會覺得記兩個英文單字已經好辛苦
但係今日小朋友肯喺你唔使提嘅情況下
自己都肯記可能兩至三個英文單字
以前可能要三催四請
今日唔使你提自己嚟做
呢個咪進步囉
呢個咪佢嗰個progress囉
咁好多時候小朋友呢
喺呢啲事上呢
佢會唔記得咗㗎
佢自己個大腦呢
會好似自動會篩走咗咁樣
咁如果我哋想教出一位識得堅持
會進步亦都會成功嘅小朋友呢
咁我哋就要放大小朋友嘅進步啦
譬如當我哋見到
咦係喎
尋日都要爸爸媽媽去提你
你先會做喎
今日我哋唔使提你
你就自己做咗啦
亦都自己記咗呢兩至三個嘅英文單字啦
好好呀
我哋陪佢一齊慶祝呢種
佢明明本身係覺得好難嘅嘢
但係佢自動自覺去做
咁呢啲咪進步囉
咁我哋放大咗個進步之後呢
好得意嘅
你發現小朋友個自我溝通呢
慢慢都會提升
佢慢慢自己都會同自己講
慢慢嚟
搞得掂
我係識得做難嘅嘢嘅
佢自己會識得咁樣溝通
但係如果我哋想教出一位咁嘅小朋友嘅時候呢
我哋就必須要先教小朋友
將個專注力放喺我哋嘅進步
就唔係追求一步登天
第三點
如果我哋想教出成功嘅小朋友嘅話呢
我哋就真係要教小朋友
點樣管理金錢啦
譬如我哋可以俾小朋友一啲零用錢
然之後呢
係讓小朋友去慢慢去計劃啦
譬如有啲嘢其實佢唔係真係急需
只不過係佢想要一啲嘢啫
咁我哋就可以教小朋友呢
我哋係點樣一步一步儲錢
然之後呢
為自己想要嘅嘢呢
一步一步去努力啦
另外一個良好嘅習慣呢
就係喺日常生活中呢
其實都俾小朋友知道
每一樣嘢我哋
譬如日常生活之中
譬如紙巾係我哋要用幾錢買㗎
買餸我哋又要係用幾錢買㗎
等慢慢呢
等小朋友係對金錢有個概念
原來唔同嘅金錢
先可以換到呢樣嘢喎
做呢一點個好處呢
就係小朋友慢慢長大啦
就會自己去衡量啦喎
呢樣嘢
我係咪真係要用咁多錢去換呢
其實值唔值得呢
佢就自己識得思考啦
同埋呢
如果我哋想避免將
以前嗰一代嘅貧窮思維
教俾小朋友嘅話呢
其實我哋都可以慢慢
由小朋友細個嘅時候
我哋已經教佢
其實呢金錢只係一個工具
讓我哋去過
自己想過嘅生活
所以呢家長我哋都要留意喎
記住我哋要避免去講一啲說話
例如係
我哋無錢呀
我哋唔夠錢買呀
唔買呀
因為呢一類嘅句子呢
其實係不經意間呢
已經將個貧窮思維
教咗俾下一代啦
如果你都想教出一位成功
亦都有責任心嘅小朋友嘅話呢
快啲去我哋嘅
HappyYouFamily.com
只要你嘅小朋友係三歲以上就啱用㗎啦
喺我哋嘅中英對照故事
The Best Tablet Ever
最好的平板電腦呢個故事入面呢
我哋會教小朋友
其實呢好多人呢
都鍾意打機㗎喎
咁喺我哋做自己鍾意做嘅嘢之餘
我哋都要記得
我哋應承過人哋要做嘅嘢呢
我哋真係要履行自己嘅責任㗎喎
喺呢個故事入面呢
故事人物呢就應承咗自己嘅父母
要執房
但係呢佢亦都應承咗朋友仔
我哋會一齊打機喎
上網去打機玩唔同嘅遊戲比賽喎
咁小朋友通過
睇呢一個互動性嘅故事
就會學習到
當我哋履行了自己嘅承諾嘅時候呢
原來亦都會增加咗對方
對我哋嘅信任度
然之後我哋自己嘅自信亦都會增加
讓孩子學習
我哋應承得人哋嘅嘢呢
要做一個有口齒嘅人
真係要履行自己嘅承諾
然之後呢自己就會向住
一個負有責任心啦
同埋成功嘅方向進發