【麻煩哥】😋鮮鮑魚 蟲草花 雞腳湯 Fresh Abalone Soup w/ Chicken Feet & Cordycep 增強呼吸道免疫力｜簡易 湯水 「零失敗」，老火湯💕滋潤有益👍。

Hello 大家好 在多集麻煩歌中 我都未試過煲湯同大家分享下喎 咁啱近排就成日要留喺屋企啦 所以今次我想同大家分享一個 鮮鮑魚蟲草花雞腳湯嘅做法 呢個湯除咗增加我哋嘅下呼吸度免疫力之外 材料呢都係好簡單易搵嘅啫 咁唔使喺街市度左搵右搵 咋咋臨返屋企 咁就可以減低不必要嘅風險啦 唔講咁多住 睇下材料先 首先 我哋準備約半兩嘅蟲草花 蟲草花呢就能夠提升上呼吸度嘅免疫力啦 咁有止咳預防氣管炎嘅功效 另外蟲草花就屬於孤菌類嘅 纖維就比較高啦 咁佢嘅作用亦都可以減低膽固醇 咁呢啲蟲草花就唔使洗 只需要落湯之前 浸一浸佢大概5至10分鐘 咁就可以用㗎啦 咁煲湯又點少得肉呢 今次我就會用一斤嘅豬展肉嚟煲呢個湯 除咗豬肉之外我會預多大概12隻雞腳 咁同上次做包汁鳳爪唔同啦 今次呢我就會用鮮雞腳 煲湯出嚟會出味同埋香好多嘅 之後就準備多四粒浸好嘅冬菇 同埋三片薑片 咁鮮鮑魚都係呢個湯嘅主角嚟喎 鮮鮑魚呢佢有潤肺 強心補腎嘅功效 咁用佢嚟煲湯 有益之餘 成個湯嘅鮮甜味就立即提升曬啦 材料都準備好曬我哋就可以馬上開工 首先將啲豬展洗一洗佢 將佢表面嗰啲污糟嘢 同埋裏面嘅血水 先清走一轉先 咁同樣啦 啲新鮮雞腳 都要用鹽水洗一洗佢 咁為咗個湯呢就冇咁油同埋咁多膠質 咁啲腳趾今次我就唔會剪走佢㗎啦 嗱咁有啲人就話剪咗 出到嚟嘅雞腳 會腍身啲㗎 咁我就覺得剪同唔剪其實就冇乜分別啦 咁基本嘅清洗完成咗之後 我哋就可以攞去飛水啦 同我之前飛雞腳一樣啦 所有有骨 同埋有肉嘅材料 都係要用凍水去飛嘅 咁喺加溫嘅過程裏面 啲污糟嘢就會慢慢滲曬出嚟㗎啦 咁呢一個做法 同樣喺我哋一陣正式煲湯嘅時候都啱用嘅 咁喺等水滾嘅時間 準備定一盤凍水喺隔離 留返一陣過冷河嗰陣使用 好啦等啲水滾起咗之後 開始呢就會見到有大量嘅浮油物走曬出嚟喎 咁就盡量清走佢先 因為今次啲豬展呢就比較厚呀 所以成個飛水嘅過程 大約需要十分鐘去完成嘅 咁喺頭先講材料嗰陣 點解會冇龍眼肉 同埋蜜棗嘅呢 因為落咗呢啲料落去 反而呢就會搶咗啲雞味喎 咁而家加返啲鮑魚 清甜度其實已經好足夠㗎啦 過咗十分鐘之後就可以將所有嘢撈起佢 然之後即刻浸落啲凍水裏面 過一過冷河先 等佢嘅表面呢都立即收緊返 鎖實返啲肉汁 咁我哋浸住佢 大概浸佢一分鐘 浸完之後 就可以幫佢沖一沖涼 再沖一沖佢 主要就係洗走頭先我哋飛水嘅時候 殘留喺表面嗰啲污糟嘢 沖乾淨之後呢就可以放埋一邊先 之後就可以處理啲鮑魚啦 都係啦喺啲水度洗一洗佢 畀個基本嘅清理畀佢先 平時我哋刷鮑魚呢 通常就係用牙刷死刷爛刷 先可以刷走啲污糟嘢喎 但係我哋過分刷佢呢 啲肉反而會變老喎 想易清理啲 首先我哋就燒熱啲水 然後就將啲鮑魚浸落啲滾水度 灼佢大概十秒鐘 咁同樣啱 我哋都係要準備一盤凍水喺隔離嘅 十秒鐘之後 我哋就即刻撈起佢 放落啲凍水裏面 記住啦 我哋呢次只係輕輕灼一灼佢嘅啫 唔係煲熟佢嘅 因為鮑魚本身都有個熱力喺裏面 浸一浸啲凍水 隻鮑魚就唔會繼續縮水㗎啦 沖一沖佢之後就用牙刷 輕輕力刷走啲黑色邊 你見而家呢都唔使點樣用力 就可以將啲黑邊刷走曬㗎啦 咁樣做呢就可以避免刷到啲肉緊曬啦 咁可能你會問呀 用鮮鮑魚嚟煲湯會唔會好腥㗎呢 只要你而家將所有嘅腥都刷走曬嘅話呢 呢個湯就肯定唔會腥㗎啦 仲好清甜添 好喇刷乾淨曬之後 就準備定一個匙羹 喺側邊撩舊肉出嚟 因為頭先呢我哋就卓咗一卓啦 咁好容易呢我哋就會起到舊肉出嚟㗎啦 肉下面嗰啲內臟就可以切咗佢唔要㗎啦 最重要你就會見到呢度有個黑色位 係鮑魚嘴嚟嘅 咁我哋就滅走佢 同埋將啲腸都清走埋 好喇清理好曬之後呢 我哋就可以喺啲鮑魚嘅表面 割一割花 等啲鮑魚一陣煲起之後就會好靚仔㗎啦 好喇所有嘅材料都處理好曬 我哋就可以埋起煲湯啦 我個人呢就比較傳統啲嘅 硬係覺得呢 用瓦煲煲出嚟嘅湯會出味啲 同埋好飲啲 呢次我用大約五個湯碗嘅清水 煲老火湯 落材料都係凍水時落嘅 佢嘅作用又係靠升溫嘅過程 慢慢釋出食物裏面嘅營養同埋味道出嚟 如果用滾水落嘅話呢 所有材料嘅表面都立即收緊曬 咁就煲嚟煲去都煲唔夠味㗎啦 好喇肉類我哋就放咗落去先 之後就將浸好嘅冬菇 蟲草花 同埋薑片都一齊放埋落去 放好曬啲材料之後 就可以開大火煮滾佢先 好喇啲湯都滾起喇 依一刻開始計 咁我哋就維持用大火煲佢約二十分鐘 二十分鐘之後我哋就可以將佢轉細火 繼續煲佢個半鐘 咁我呢而家就去處理其他餸先 一陣見喇 喂喂喂個半鐘返嚟喇 睇下個湯煲成點先 嘩都似模似樣喎 咁而家就可以自己選擇加唔加鹽 定係到飲嘅時候自己再調校喇 嘩你睇下呢個湯正呀 搞掂喇 好喇上枱睇下個成品先 你睇下啲雞腳又完整 啲鮑魚又煲到開曬花 直情係好睇又好飲呀 咁今次分享畀大家嘅鮮鮑魚蟲草花雞腳湯就大功告成喇 好喇咁我而家飲湯先 今次就講到呢度 多謝大家收睇 下次再見啦 如果大家鍾意我呢條片嘅話麻煩畀個like畀我麻煩哥 同埋訂閱我頻道啦 拜拜